فکاهیه …انتقادیه هاذه ماشاهدته الساعا ۷ الصبح فی طریق العمل
شفت البنیه اتبختر طارا الشارع شلف
مانتوها ایرید ینطر . و آنه حاضر للحلف
نص متر طولا وحمر. ایشابه اچراغ المرور
یشلی بالشبان خویه . وجایه امچشفه الصدور
امتیله وماتنعرف .لا هم نثایه ولا ذکور
بالحرج تلگه مثلهم . درزنین اونص بلف
شبه الگحیله المربعه . اتلش عله یمنه ویسار
تمشی فوگ الارض مرحا . وبالسمه اتشوف الشرار
ذابهه الباری علینه بس اذیه وللمرار
نوب تلعب بالگصیبه . ونوب تنکت بالزلف
جایه تقرا انگلیزی . اکلاسهه السته العصر
اوداعتک ما تدری شنهی . والکلاس ابیا کتر
وذاک المسیکین ابیهه . العاش عمرا بالفگر
ینتظر منهه اتعله . اوکاتهه لا تنتلف
یشتغل شوطین ابوها . خاطر ایئمن المعاش
ومها تتفاخر ابتهه . لو بدء بحث ونقاش
شنهی فخر الوالده . ابهاذه الگشاش
تفتخر بتهه العزیزه. سایبه ادور ولف
من تجی تعبانه تگطف صاکهه . ابعتبت الباب
تلگه المسیکنه امها . للعشه امحضره الکباب
اتگوم تنشد من اختهه . اشبی فلم تیوی شباب ؟
والله هلکانه ییما .. النگلیزی اشگد کلف
طگت التیوی شباب . وشمرت الزر اعله زر
هسه تگلبها الحبیبه . صاح اخوها اطیهه جر
عدنه هل نعمه الفضیله . خلی ناکلهه ابستر
والله لو بیدی اغسلچ . حیل ایلفنچ یلف
+ نوشته شده در جمعه بیستم تیر ۱۳۹۳ ساعت ۱۱:۲۰ توسط والی عزیزنیا
